Жаңартуға бағытталмақ

 

Қамысты ауданының орталығында «Ауыл – Ел бесігі» жобасы басталды. Жобаны іске асырудағы басым міндеттердің бірі – елді мекендегі әлеуметтік және инженерлік инфрақұрылымдардың ахуалын жақсарту. Осы жоба ауданның өмір сапасын жақсартуға, ауылдық аумақтардағы әлеуметтік ортаны жетілдіруге, өңірлік стандарттар жүйесінің параметрлеріне дейін жеткізуге бағытталған. Бұл туралы Қамысты ауданының әкімдігі Фейсбук әлеуметтік желісінің парақшасында жариялап отыр.

 

«Барлығы 5 жоба іске асырылуда, жалпы сомасы 869 млн теңге (республикалық бюджет – 782,1 млн, жергілікті бюджет – 86,9 млн теңге):

1. Қамысты ауылындағы «Юность» стадионын реконструкциялау, жоба құны – 528,5 млн теңге.

2. Қамысты ауылындағы «Қамысты АОА» КМК ғимаратын күрделі жөндеу, жоба құны – 128,4 млн теңге.

3. Қамысты ауылы Құдайқұлов көшесін (2,8 км) орташа жөндеу, жоба құны  – 85,7 млн теңге.

4. Қамысты ауылы Гумилев көшесін (2,1 км) орташа жөндеу, жоба құны– 54,4 млн теңге.

5. Қамысты ауылы Северный және Журавлев көшелерін (1,2 км жуық) орташа жөндеу, жоба құны – 71,9 млн теңгеге жуық», – делінген хабарламада.

Аталған жобаларды іске асыру кент ішіндегі жолдарды жақсартуға, аурухана ғимаратын санитарлық нормаларға сай келтіруге, халыққа сапалы медициналық жәрдем көрсету үшін ыңғайлы жағдай жасауға мүмкіндік бермек.

 

Қамысты ауданы.