Челябі-Қостанай әріптестігі жанданады
Ресей мен Қазақстан кәсіпкерлерінің арасындағы экономикалық қарым-қатынасты арттыру мақсатында екі ел арасындағы іскерлік кездесу басталды. 
Қазакстанның Ресейдегі елшілігі мен ҚР инвестиция және даму минстрлігі, ҚР ауылшаруашылық министрлігінің мұрындық болуымен Челябі және Қостанай облысы өкілдері кездесті. Олар қазақстандық өнімнің Ресей нарығына шығу жүйесін талқылады. Біздің делегация құрамында Қостанай облысының әкімі Архимед Мұхамбетов, Омбы облысындағы ҚР елшісі Эльдар Қонаев және "Атамекен" ҰКП басқармасы төрағасының кеңесшісі, Қазақстанның сыртқы сауда палатасы басқармасының өкілі Салтанат Аханова, Қостанай аймақтық кәсіпкерлер палатасының директоры Мұрат Әбенов, "Kazakh Invest" ҰК" АҚ басқармасы басшысының орынбасары Мейіржан Майкенов, сондай-ақ, ауылшаруашылық саласында еңбек етіп жүрген азаматтар бар. 
Кездесу барысында 4 бірдей жаңа инвестициялық жоба таныстырылады. Сондай-ақ, қос ел арасындағы экономикалық маңызды сұрақтар қаралды. Сонымен қатар, А.Б. Мұхамбетов бүгін сағат 15.30-да губернатор Борис Дубровскиймен, Челябі облысы билігімен ресми кездесу өткізбек. 
Толығырақ газеттің алдағы санынан оқи аласыздар.
