Жаңа демалыс орны ашылмақ

Қостанай қаласында тағы бір жағажай ашылмақ. Қазір облыс орталығында жаңа мекенді абаттандыру жұмыстары жүріп жатыр, деп хабарлайды Alau.kz.Бұл туралы өткен жылы хабарланған болатын. Ол кезде тек өзен жағасының нобайы ғана жасалған еді. Демалыс алаңы Тобылдың оң жақ жағалауында, қазіргі қалалық жағажайға қарама-қарсы орналаспақ. Әл-әзір құрылыс жұмыстары қызу жүруде.

Бұл нысанға қалалық бюджеттен 280 млн теңге бөлінген. Соңғы ақпараттарға сүйенсек, мұнда сауда павильоны және құтқарушылар мен өрт қауіпсіздігін қадағалайтын пункт болады. Сондай-ақ, волейболға арналған екі бірдей алаң салынуы мүмкін.

-Негізгі жұмыстар 2016 жылдың күзінде басталған. Былтыр қыруар жұмыс атқардық. Келісім-шарт бойынша биыл қазан айында аяқтау керек, бірақ біз жобамен шілдеде бітреміз деп отырмыз,-дейді Қостанай қалалық ТКШ бөлімінің инспекторы Нұрлан Есіркепов.