Мұсылмандар матчы

Рудный қаласында өткен тар алаңдағы теңбіл доп матчын Діни мәселелерді зерттеу орталығы, "Социум&Я" қоғамдық бірлестігі ұйымдастырып, қалалық "Нұр" мешіті үлкен қолдау білдірді. Футбол ойыны "Олимп" спорт кешенінде өтті. 

Матчқа 11 команда қатысты. Атап айтқанда, облыстық мешіттен – екі, Қостанай ауданынан – екі, Қостанай, Рудный, Лисаков қалаларынан, Әулиекөл, Науырзым, Таран аудандарынан және Қашар кентінен бір-бір команда жасақталған. Ойын тартысты өтті. Қорытындысында, алаң иелері – "Нұр" мешіті жеңімпаз атанды. Бас жүлдеге теледидар тігілген еді. Ал екінші орынды қашарлықтар, Әулиекөл ауданының командасы үшінші орынды иеленді.

Ұйымдастырушылар мұндай жарыстарды өткізуді жыл сайынғы дәстүрге айналдыруға ниетті.