Композитордың тұңғыш ән жинағы шықты

 

      Жақында Алматыдағы «Қазақ толқыны» студиясынан  белгілі сазгер, Қазақстанның еңбек сіңірген мәдениет қызметкері Қалибек Деріпсалдиннің «Қостанай-достар-ай» атты  ән жинағы жарық көрді.

 Композитордың тұңғыш жинағына эстрадалық  16 ән топтастырылған. Халық арасына кең тараған «Қайдасың аңсағаным», «Адамдар аққуларды атпаңдаршы», «Беу,қыздар-ай», «Арман – айым», «Еркеқұсым», «Көктем қыздар»  т.б әндерді Мейрамбек Беспаев,Сәкен Майғазиев, Досымжан Таңатаров,Есет Сәдуақасов және қостанайлық Арыстан Құрманов, «Даяна-старс» тобы орындайды. Қалибектің ән жинағы 1000 дана. Енді Алла қаласа күзге салым композитордың фольклорлық әндеріне негізделген «Сағыныш сазы» деп аталатын екінші альбомы тыңдармандар қолына тимек. Жаңа ән жинағын сатып алу үшін  87016213545 телефонына хабарласуға болады.

 

Айбек Кәдірұлы