Жоспарда – жаңа зауыт
Арқалық қаласындағы «Ақ-Тас СК» ЖШС нефрит тастарды өңдейтін зауытты іске қосуды жоспарлауда. Қуаттылығы 531 мың тонна болатын жоба құны – 1,8 млрд. теңге. Жоспар бойынша, өндіріс орны тастан қабырға, еден, маңдайша тақталар әзірлейтін болады. Қазіргі кезде арнайы мамандар Ақжал кен орнында шикізатты зерттеу-бағалау жұмыстарына кіріскен. Бұл үш жылға жалғаспақ. Сондай-ақ итальяндық құрылғылар әкелу жөнінде келіссөздер жүргізілуде. Зауыт іске қосылса, 88 адам жұмыспен қамтылады.
