Мерекелік концерт

Қазақстан Республикасы Қарулы күштерінің құрылған күніне орай Қостанай қаласында әртүрлі мерекелік іс-шаралар өтіп жатыр. Отан қорғаушыларға арналған концерттің бірі Е.Өмірзақов атындағы облыстық филармонияда өтті.

 

Бұл концертте филармонияның артистері өнер көрсетті. ҚР-ның еңбек сіңірген қайраткері Назымбек Молдахметовтың жетекшілігіндегі «Ақжелең» фольклорлық ансамблі бірнеше күй тартты. Өнерлі ұжымның мүшесі Светлана Семенова сазсырнай аспабының қоңыр үнімен «Ақжелеңнің» күйлеріне қосылып, әсем әуенді одан әрі құбылта түсті. «Костанайские зоры» би ансамблі, «Былина» фольклорлық тобы және «New boys» вокалдық  тобының шығармалары да көрерменнің есінде ұзақ уақытқа дейін сақталары сөзсіз. Серік Әбілев, отбасылық дуэт Қадыр мен Майра Қаржауовтардың орындауларындағы әсем әндер еріксіз елітіп әкетті.

 

Қ.Досжанова.

Суретті түсірген Айбек Жүзбай.