Айнадай жалтырап тұр

Сарыкөлдің іргесінде орналасқан Сорочин ауылдық округінде абаттандыру жұмыстары ауқымды түрде атқарылып келеді.  

«Сырт көз – сыншы» – демекші, ауыл іші мен аулалар ауыз толтырып айтарлықтай тап-таза.  Әр тұрғын үйдің маңында жайқалған гүлдер көздің жауын алады. Қоғамдық жұмыскерлер ауылдың ішіне қаптап өскен шөптерді шөп шабатын құрылғылармен тұрақты түрде тазалап тұрады. Ал ауылдықтар болса, өз аулаларын жиі-жиі жинастыруды әдетке айналдырған.   

-Алда әлі де атқарылар жұмыстар жетерлік. Ауламызды абаттандырдық, енді  үйімізді де ретке келтіру керек. Жұбайым сәулетші, құрылысқа жаны құмар. Ол шатырды ауыстырып, бөлмелерді жөндемекші. Ауылдықтар да біз секілді, өз жұмыстарын өздері реттейді, – дейді Людмила Юрьевна. Еңбексүйгіш бұл Мыскивтер  отбасы  былтырғы ауыл күнінде «Үздік аула» атты байқаудың жеңімпазы атанып, ауыл әкімінің мадақтама қағазымен марапатталған.

Мінеки, осындай бірлікті ту еткен тұрғындардың арқасында ауыл іші айнадай жалтырап тұр.

 

Руслан Әлкеев

Сарыкөл ауданы