Бүйректалда – “Мойылды толқындары”
Аманкелді ауданына қарасты Ақсай ауылында "Мойылды толқындары" ұлт-аспаптар ан-самблінің тұсауы кесілді. Бұл кеш былтырғы жылдың тамыз айында өткен "Аманкелді ауданы. Іскер азаматтар форумы" аясында жүзеге асқан алғашқы жоба екенін айта кеткен жөн.
Ауылға инвестиция тарту, туған ауылдан түлеп ұшқан кәсіпкер азаматтар-мен бірлесе отырып ауқымды шараларды қолға алу мақсатын-да ұйымдастырылған форум барысында айтылған шаруалар біртіндеп іске асып келеді. Мәселен, өткен жылдың қараша айында шалғайдағы Ақсай ауы-лында Қазақстанның мәдениет қайраткері, Аманкелді ауданы-ның құрметті азаматы, белгілі музыкант Сапар Ахметжановтың қолдауымен аудандық саз мек-тебінің филиалы ашылған бола-тын. Кәсіпкер ұлт-аспаптар ан-самбліне қажетті бірнеше ұлттық аспаптар мен сахна киімдерін сыйға тартып еді. Алыстағы ауыл мәдениетіне тамшыдай болса да үлесін қосқан ағаларына деген ел-жұртының да алғысы шексіз.
– Ауылдардағы шағын да болса мәдениет ошақтарына осындай азаматтарымыз қол ұшын созса, үлкен сауап болар еді. Ауыл мәдениеті, ауыл өнер-паздары тіршіліктің сәні десек қателеспейміз, – дейді Аманкелді аудандық мәдениет және тілдер-ді дамыту бөлімінің басшысы Раушан Аманкелдіқызы.
Әсем ән мен күмбірлеген күй орындалып, ауыл кеші думанға толды. Кеш барысында Алматы эстрадалық колледжін тәмам-даған эстрада әншісі, Бүйректал орта мектебінің түлегі Динара Қалиқызының әсем даусымен ерекше шырқалған әндері ел көңілінен шықты. Сапар ағамыз бастаған күйшілер "Секіртпе" күйін өз деңгейінде жеткізе біліп, ауыл тұрғындарының ризашы-лығына бөленді.
Күнжан Әбеу.
Аманкелді ауданы.
