Әріптесіміз “Жыл адамы” атанды
Өткен жылдың жетістіктерін жіпке тізіп, осы мерзімде орасан зор еңбегімен көзге түскендерді марапатттайтын дәстүр қалыптасқан. Бұл үзілмей келе жатқан үрдісті өңірдегі "Қазақстан-Қостанай" телеарнасы мен облыстық мәдениет басқармасы да жалғай түсті. 2016 жылы екі мекемемен етене жұмыс істеген жергілікті азаматтарға өз алғыстарын білдіріп, "Жыл адамы" байқауын жариялаған еді.
Әуелі байқауды алғаш болып былтыр телеарна ұжымы ұйымдастырған болатын. Бірлесе атқарылған ауқымды шара ел Тәуелсіздігінің 25 жылдығы мен облыстық арнаның 25 жылдық мерейтойына орайластырылған. Осыған орай, "Жыл адамы" телевизиялық байқауы 25 аталым бойынша жеңімпаздарды анықтады. Сайыста сан сала өкілдері өзара бақ сынасты. Атанға жүк боларлықтай абыройлы атаққа алғашқы болып қарламгер Нағашыбай Мұқатов, "Қостанай таңы" газетінің тілшісі, аға редакторы Әлібек Ыбырай, "КН" радиосының тілшісі Владимир Мотрико сынды журналистер иелік етті. 
Бұдан бөлек, өнерде жарқырап жүрген Әлімхан Мырзахан, Азамат Ибраев сынды азаматтар да бұл тізімді толықтырды.
