Лифттер қайта жанданбақ

Рудный қаласында қазан айының соңына дейін 20 лифт қайта іске қосылмақ. Ол үшін қала бюджетінен 153 млн теңге бөлініп отыр.

Былтыр осы мақсатта 130 млн теңге жұмсалып, 18 су жаңа лифт пайдалануға берілген болатын. Бүгінде П.Корчагин көшесіндегі 138 үйдің 3-ші және 4-ші подъездінде жұмыс басталып та кетті. Айта кетерлігі, соңғы бес жылда 149 лифттің 104-і жұмысы жанданды. Қалған 45-і алдағы 2 жылда толық ауыстырылып, тұрғындарды қуанышқа бөлемек.

Қуаныш Есқабыл

Рудный қаласы