Қостанайдағы президент шыршасы
Бүгін Қостанайда ҚР Президентінің Жаңа жылдық шыршасы өтті. Мерекелік іс-шараға облыстың аудан, қалаларынан, барлығы 200 бала қатысты. Көңілді кеште қуыршақ театры мен эстрадалық-цирктің өнерпаздары әртүрлі қойылымдар ұсынды. Балалар мультфильм кейіпкерлерімен бірге билеп, хормен ән айтты. Олар теледидар арқылы Президенттің құттықтауын тыңдап, Елбасыға алғыс айтты.
Мемлекет басшысы өзінің құттықтау сөзінде: «Қымбатты балалар! Жаңа жыл баршамыз асыға күтетін мерейлі мейрам, жақсылық жаршысы. Бұл, ең алдымен, балалардың мерекесі, кішкентайлардың қуанышы. Сендер тәуелсіз елде өсіп келе жатқан нағыз бақытты ұрпақсыңдар. Мен өздеріңді және еліміздегі барлық балаларды Жаңа жылмен шын жүрегімнен құттықтаймын! Бүгінгі шырша тойы есте қалатын ерекше кеш болады деп сенемін. Балаларды шаттыққа бөлейтін осындай шара қазір еліміздің барлық өңірінде өтуде. Ұлы дала елінің ұлағатты ұландары үнемі алдыңғы қатарда болуы керек. Біз сендердің ақылды да алғыр, зерделі де зерек болып өсулеріңді қалаймыз. Еліміздің болашағын сеніп тапсыратын үкілі үмітіміз өздеріңсіңдер Сол үшін біздің мемлекетіміз барлық мүмкіндікті жасап берді»,- деді.
Елбасының құттықтауынан соң Қостанай облысының әкімі Архимед Мұхамбетов сөз алды. Өңір басшысы: «Балалар – біздің болашағымыз, байлығымыз, үмітіміз. Сіздерге үлкен үміт артамыз. Елбасы өзінің құттықтау сөзінде сіздерге жарқын болашақ тіледі. Егер, сіздер оқуда озат болып, білікті маман атанып, еліміздің қарқынды дамуына үлес қосатын болсаңыздар, біздің еліміздің болашағының жарқын болатынына кәміл сенімдімін,-деді. 
Президент шыршасына қатысқан балалар шетінен үлгілі, өнерлі оқушылар. Олар оқуда озат, спорт пен шығармашылық салаларында табыстарға қолжеткізген дарынды шәкірттер. Жаңа жылдық кеште екі жүз балаға планшеттер, кітаптар, әртүрлі тәттілер берді. «ЭКСПО-2017» халықаралық көрмесіне арналған байқауда жеңіске жеткен 15 балаға «Большевичка» тігін фабрикасы спорттық костюмдер, «АгромашХолдинг» АҚ мен «Асалия» кәсіпорны смартфондар сыйлады. Жеңімпаздардың бірі – Алтынсарин ауданы, Щербаков ауылынан келген озат оқушы Саят Алтай. Ол Щербаков орта мектебінің 6ә-сыныбында оқиды. Байқауға ағартушы-ұстаз Ыбырай Алтынсаринға арналған өлеңін тапсырып, «ЭКСПО-2017» көрмесіне арналған ғимараттың жобасын жасады. 
Президент шыршасына қатысқан балалар шетінен үлгілі, өнерлі оқушылар. Олар оқуда озат, спорт пен шығармашылық салаларында табыстарға қолжеткізген дарынды шәкірттер. Жаңа жылдық кеште екі жүз балаға планшеттер, кітаптар, әртүрлі тәттілер берді. «ЭКСПО-2017» халықаралық көрмесіне арналған байқауда жеңіске жеткен 15 балаға «Большевичка» тігін фабрикасы спорттық костюмдер, «АгромашХолдинг» АҚ мен «Асалия» кәсіпорны смартфондар сыйлады. Жеңімпаздардың бірі – Алтынсарин ауданы, Щербаков ауылынан келген озат оқушы Саят Алтай. Ол Щербаков орта мектебінің 6ә-сыныбында оқиды. Байқауға ағартушы-ұстаз Ыбырай Алтынсаринға арналған өлеңін тапсырып, «ЭКСПО-2017» көрмесіне арналған ғимараттың жобасын жасады.
-Бүгінге кеш маған ұнады. Азғантай уақыттың ішінде көптеген достар таптым. Балалармен бірге ойнадым, биледім. Байқауға қатысып, жүлделі орын алдым. Тезірек үйге барып, ата-анаммен қуанышымды бөліскім келіп тұр. Өлең шығаруға әдебиет пәнінің мұғалімі Айсұлу Бәйтекенова баулыды. Өскенде архитектор болып, елімнің мақтанышына айналсам деймін. Менің сыныптастарымның бәрі өнерлі балалар. Бәріміз үйірмеге қатысамыз. Өйткені, біздің мектепте спорт пен шығармашылық салаларының көптеген үйірмелері бар. Біздің алаңдамай оқуымызға жағдай жасағаны үшін Н.Ә.Назарбаевқа алғыс айтқым келеді,-деді бала шәкірт Саят Алтай.
Жүздері бал-бұл жанған ұл-қыздар концерттен соң қала сыртындағы «Жайлау» демалыс базасына аттанды. Сол жерде 26-27 желтоқсан аралығында демалатын болады.
Қымбат ДОСЖАНОВА
Суреттерді түсірген Бағдат Ахметбеков.
