Алаштың ақ жолында
Қазақстанның «Ақ жол» Демократиялық партиясы«XXI-ғасырдағы Алаштың Ақ жолы» атты жалпыұлттық байқау өткізген болатын. Шараның басты мақсаты «Алаш» қозғалысының шығармашылық мұрасын және принциптік көзқарастарын зерделеу, оны қазіргі заманғы Қазақстан қоғамына тарату болып табылады.
Жерлесіміз, белгілі қазақ ақыны, жазушы, драматург, көсемсөзші – журналист, шәкірттерін мәдениеттің шыңына жеткізіп, рухани байытқан ұстаз, Ахмет Байтұрсынов атындағы ҚМУ профессоры, белгілі ақын Ақылбек Шаяхмет «Алаш» көшбасшылары жұмыстарындағы қазақстандық қоғамның әлеуметтік жаңғыруы, еуропалық жолмен дамуы мәселелері және олардың қазіргі заманғы Қазақстан үшін өзектілігі» номинациясы бойынша жеңімпаз атанып, атақты жерлесіміз Алаш ардагері Елдес Омарұлы туралы жазған деректі ғылыми-зерттеу еңбегі үшін бас жүлдеге ие болған еді.
Биылғы жылы академик Марат Шуақаев және Ақылбек Шаяхметтің құрастыруымен Ахмет Байтұрсынов атындағы Қостанай мемлекеттік университеті баспаханасында Алаш ардақтысы Елдес Омарұлының шығармалар жинағы қазақ және орыс тілдерінде жарық көрді.
Қазақстан Республикасы тәуелсіздігінің 25 жылдығы қарсаңында ақын «Алаштың ақ жолы» байқауының лауреаты» төсбелгісімен марапатталды.
