Рудныйда спорт кешені ашылды
Тәуелсіздік мерекесі қарсаңында Рудный қаласында жаңа спорт кешені ашылды.
Жалпы аумағы 2 мың шаршы метр болатын спорттық нысан шағын футболға, волейбол, баскетбол және үлкен тенниске арналған. Зал УЕФА-ның барлық талаптарына сай. Ғимараттың екінші қабатында фитнес залы және үстел теннисі бар. 
Көрермендер трибунасы 400 адамдық. Мұнда спортшылар үшін барлық жағдай жасалған.
Жаңа спорт кешеніндегі тұсаукесер ойын жерігілікті "Аят" пен шымкенттік спорт мектебі футболшыларының арасында өтті. Бұл кездесуді өңір басшысы Архимед Мұхамбетов тамашалады. 
