«Ана үйі» ашылды
Арқалық. Қалада қиын жағдайға тап болған аналарға қамқорлық пен қолдау көрсететін «Ана үйі» ашылды. Әлеуметтік жоба отбасын сақтауға және жетім балалардың санын азайтуға бағытталған.
Еске сала кетсек, Қазақстанда дағдарыс орталық жүйелері отандық кәсіпкер А. Рахымбаевтың бастамасымен 2013 жылы құрылған болатын. Кезекті ашылым 25-ші орталық болып саналады.
"Ана үйі" 18 бен 34 жасқа дейінгі әйелдерге арналған. Дағдарыс жағдайы кезінде тұратын аналарға кәсіби бейімділік бағдарламасы жұмыс істейді. Жұмысқа орналасуына немесе қайтадан оқуына да жәрдем жасалады.
