Қостанай ұны Парсы шығанағына жол тартпақ
Облыс орталығындағы "Қазторгтранс" ЖШС Біріккен Араб Әмірліктері елдеріне Қостанай ұнын экспорттауды көздейді. Бұл туралы серіктестік басшысы Халиулла Гран Ака облыс әкімі Архимед Мұхамбетовпен болған кездесуде айтты. 
Бүгін өңір басшысы аталмыш кәсіпорынды аралап, әлеуетін байқап қайтқан болатын.
-Бұл қадам біз үшін өте маңызды. Біз ешқашан Парсы шығанағындағы мемлекеттермен жұмыс істеп көрмедік. Әуелі, қамбаны астыққа толтырыңдар, кейін ресми байланыс орнатып, алғашқы өнімдерді жіберіп көреміз. Егер жақсы бағалап жатса, одан әрі дамытатын боламыз. Бұл – тек астық өнімдерін ғана емес, басқа да бағыттарға жол ашатын тамаша мүмкіндік,-деді облыс әкімі.
"Қазторгтранс" компаниясы 15 жылдан бері ұн, бидай және басқа да өнімдерді шет елдерге экспорттап келеді. Серіктестік басшысының айтуынша, биыл олар Өзбекстан және Ауғанстанға 50 тонна ұн, 10-15 тонна бидай, 5 тонна майлы дақылдарды өткізген. Мемлекет қолдауының арқасында жаңа серпілістерге мүмкіндік бар. Келер жылы темір қоймалар салып, жұмысшы санын көбейткісі келеді. 
"Қазторгтранс" компаниясы 15 жылдан бері ұн, бидай және басқа да өнімдерді шет елдерге экспорттап келеді. Серіктестік басшысының айтуынша, биыл олар Өзбекстан және Ауғанстанға 50 тонна ұн, 10-15 тонна бидай, 5 тонна майлы дақылдарды өткізген. Мемлекет қолдауының арқасында жаңа серпілістерге мүмкіндік бар. Келер жылы темір қоймалар салып, жұмысшы санын көбейткісі келеді.
Тәуелсіздік мерекесі қарсаңында облыс әкімі Архимед Мұхамбетов компания директорын алғыс хатпен марапаттап, оң бағасын берді. Келешекте айтылған мәселелерді кеңінен талқылап, кәсіп көзін ұлғайтуға уәделесті.
Кенже ҚОНЫСБАЙ
Суреттерді түсірген автор
