“Іс шебері -2016” байқауы басталды
Облыстық Жастар саясаты басқармасы мен “Келешек-2050” қоғамдық қоры жұмысшы жастар арасында “Іс шебері – 2016” байқауын өткізуде. Байқау барысында “Үздік тігінші”, “Үздік жүргізуші” және “Үздік қолөнерші” номинациялары бойынша осы салалардың жас мамандары сынға түсетін болады.
Бүгін “Большевичка” тігін фабрикасының базасында байқаудың “Үздік тігінші” номинациясы бастау алды. Онда облыстың әр өңірінен өтініш берген 15 тігінші бақ сынасты.
-Бұрын біздің кезімізде осындай сайыстар жиі болатын еді. Адамның еңбекке деген құлшынысын арттыратын мұндай байқаулардың жастарға берері мол. Сондықтан игі іске мұрындық болған ұйымдастырушыларға айтар алғысымыз шексіз, – дейді “Большевичка” тігін фабрикасының басшысы Татьяна Салманова.
“Іс шебері-2016” байқауының жеңімпаздары 31 қазанда өтетін облыстық жұмысшы жастар форумында марапатталатын болады.
Қарлығаш ОСПАНОВА
Суреттерді түсірген Бағдат Ахметбеков
