Туғандарына тіл тигізгені үшін қамауға алынды
Ұзынкөл аудандық соты үстіміздегі жылдың 11 шілдесінде азамат А.-ға қатысты әкімшілік іс қарады.
Құқық бұзушы туған апасына дөрекі сөздер айтқанымен қоймай, оған қол жұмсамақшы да болды. Туғандарына тіл тигізіп, отбасының шырқын бұзған оның бұл қылығына налыған жақындарының полиция шақыртуына тура келген.
Мұның алдында да әкімшілік жауап-қа тартылған құқық бұзушы соттың қаулысымен ҚР ӘҚБтК 79-5 бабының 2-бөлігі бойынша әкімшілік жауапкершілікке тартылып, 10 тәулікке қамауға алынды.
