Иван Дычко кезекті жеңіске жетті
Алматыда өткен ҚР Президентінің Кубогы жолындағы IV-ші халықаралық турнирде ел құрамасы 7 алтын, 4 күміс және 6 қола медальді жеңіп алды. 91 келі ауыл салмақта шаршы алаңға шыққан қостанайлық Иван Дычко Қазақ елінің қоржынына кезекті алтынды салды.Ол ақтық бәсекеде кубалық Иоранди Тойракты 3:0 есебімен ұтты.
Жалпы, И.Дычко дәл осы турнирдің алтын жүлдесін үшінші рет еншілеп отыр. Лондон олимпиадасының қола жүлдегері 2010 және 2012 жылдары да өз салмағында топ жарған болатын.
Қостанай бокс мектебінің тағы бір түлегі – Антон Пинчук бұл жолы "күміспен" күптелді. Антон финалда кубалық Руис Кордова Херихке есе жіберіп алды.
Әлібек Ыбырай
