Қостанайда мал базары ашылды

Қасиетті Құрбан айт мерекесі қарсаңында Қостанай қаласында бірқатар игі істер жүзеге асырылды. Әуелгісі, Орталық мешіттен бастап, халық игілігі үшін мал базары ашылды. Бұрын Қостанайда арнаулы мал базары болмаған-тын. Жаңа базар Федоров тас жолынын бойында орналасқан. Әп сәтте-ақ "Қостанай Мал Базары" ЖШС ұйымдастырған алаңда 4 ірі қара, 300-ге тарта қой сойылды. Бұл жерде алып-сатардан бөлек, құрбанды сойып беру, жіліктеу, шек-қарын ашу сияқты қызметтер көрсетіледі.

-Айта кету қажет, мереке алдындағы бұл мал базары облыста алғаш рет ұйымдастырылып отыр. Мұндай үрдісті жыл сайын Оңтүстік Қазақстан, Алматы, Астана және Атырау қалаларынан ғана көру мүмкін еді. Тек Құрбан айт күні ғана емес, күздік, соғым уақытында да халық қалаған малын осы жерден келіп ала алады, — дейді "Мал базар Қостанай" ЖШС басшысы Д.Құдасов.

Ақпарат мына сайттан алынды: https://old.kostanaytany.kz