Қарулар, пешке!
"ССКӨБ" АҚ-ның құю цехында 300-ге жуық қару-жарақтың көзі жойылды.
Бұл арсеналдың тең жартысын құқыққорғау органдарына акция аясында өңір тұрғындары өз еріктерімен тапсырған. Ал қалған бөлігін тәртіп сақшылары заңсыз сақтап жүрген адамдардан тәркілеген. 119 қосауыз, 29 жалғыз ауыз қару, 3 оқпанды қару, 6 шолақ мылтық және 9 осы уақытқа дейін әртүрлі қылмыстық істен өткен қару пешке балқытылды.
Облыстық ІІД баспасөз қызметінің айтуынша, бұл – жыл басынан бері өтіп отырған екінші қару-жарақ жою акциясы. Екеуі де Рудныйдағы кен алыбында жүзеге асты. Ал осы шараға ІІД, прокуратура және зауыт қызметкерлері қатысты. Қарулар пешке жіберілмес бұрын тексеру-салыстыру жүргізілді.
Айта кетейік, жойылған қаруларды тұрғындардан сатып алуға жыл басынан бері 8 млн. 632 мың теңге төленген.
"Хорошое дело" сайтының материалы бойынша
