“Аманкелді ауданының құрметті азаматы” атағы берілді

Аманкелді ауданындағы Қ.Әбенов атындағы Мәдениет үйінде "Аманкелді ауданының құрметті азаматы" атағын беру салтанаты өтті. Онда аудан әкімі Н.Қ.Өтегенов сөз сөйлеп, абыройлы атаққа ие болған азаматтарды құттықтады . Ауданымыздың құрметті азаматы атағын өнер қайраткері, композитор Айтбай Мұздаханов, ауыл шаруашылығы және басқару саласындағы құрметті зейнеткер Торсан Салықұлы, ауыл шаруашылығы саласындағы құрметті зейнеткер және тарих зерттеушісі Мұхтар Ходенов аталарымыз аудандағы жоғары атаққа ие болды. Дәстүр бойынша ақсақалдардың иығына шапан жапты. Жиын барысында аудандағы бұрын қызмет істеген еңбек адамдарынының жолы туралы және оны жалғастырған іні-қарындастары туралы "Еңбек жолы" атты видео ролик көрсетілді. Жиынның соңы салтанатты концертке ұласып, жергілікті өнерпаздар халыққа өз өнерлерін паш етіп, елді ерекше әсерге бөледі.

Хамитбек МҰСАБАЕВ