Денсаулық пен спорт мерекесі
«Горняк» спорт кешенінде «ССКӨБ» АҚ қызметкерлерінің денсаулық пен спорт мерекесі – Жазғы спартакиаданың ашылу салтанаты өтті. Биылғы жарыс ел тәуелсіздігінің 25 жылдығына арналып отыр. Спартакиада бағдарламасына стритбол, волейбол, футбол, қашықтыққа жүгіру, күрес, арқан тарту, шахмат, жүзу, турникке тартылу, штанганы көтеру қоссайысы сияқты спорттың 15 түрі еніп, оған кәсіпорын бөлімшелері мен еншілес компаниялардың 500-ден астам өкілі қатысты. Салтанатты шарада бірлестіктің әлеуметтік сұрақтар мен корпоративтік мәдениет бөлімі басшысының міндетін атқарушы Руслан Исмұхамбетов сөз алып, спортшыларға жылы лебізін білдірді.
– Қасиетті Айт мерекесі мен Астана күні құтты болсын. Сіздер күнделікті жұмыспен қатар спортты жандарыңызға серік етіп, өскелең ұрпаққа үлгі болып жүрсіздер. Сондықтан сіздерге мың алғыс. Жарыс өте тартысты, қызықты, әрі әділ өтті деп ойлаймын. Үздіктердің үздігі тамыз айында ERG компаниялары арасында өтетін спартакиадада кен алыбының намысын абыроймен қорғайтынына сенімдімін, – деді ол.
Спартакиаданың жалпы қорытындысы бойынша «А» тобында Шекемтас өндіру фабрикасы, ал «Б» тобында кәсіпорынның басқармасы алға озып шығып, жазғы кубокқа ие болды. Сондай-ақ шара барысында спорттың әр түрі бойынша жеңімпаз атанғандар мен ең үздік спортшылар марапатталды.
– Қасиетті Айт мерекесі мен Астана күні құтты болсын. Сіздер күнделікті жұмыспен қатар спортты жандарыңызға серік етіп, өскелең ұрпаққа үлгі болып жүрсіздер. Сондықтан сіздерге мың алғыс. Жарыс өте тартысты, қызықты, әрі әділ өтті деп ойлаймын. Үздіктердің үздігі тамыз айында ERG компаниялары арасында өтетін спартакиадада кен алыбының намысын абыроймен қорғайтынына сенімдімін, – деді ол.Спартакиаданың жалпы қорытындысы бойынша «А» тобында Шекемтас өндіру фабрикасы, ал «Б» тобында кәсіпорынның басқармасы алға озып шығып, жазғы кубокқа ие болды. Сондай-ақ шара барысында спорттың әр түрі бойынша жеңімпаз атанғандар мен ең үздік спортшылар марапатталды.
Қуаныш ЕСҚАБЫЛ
