МӘРЕДЕ – ӘУЕСҚОЙ СПОРТШЫЛАР

Еліміздің ұзақ мерзімді «Қазақстан-2050» даму Стратегиясының маңызды басымдықтарының қатарында денсаулық, білім беру мен қазақстандықтардың әл-ауқаты, салауатты өмір салты мәдениетін қалыптастыру бар. ҚР денсаулық сақтау саласын дамытудың 2016-2019 жылдарға арналған "Денсаулық" мемлекеттік бағдарламасы аясында ұйымдастырылған «Денсаулық фестивалі» акциясы Қостанайда да жалғасты. 6-11 маусым аралығында осы шара «Біз салауатты өмір салты үшін!» ұранымен әр аудан, қалаларда ұйымдастырылған. Спорттық іс-шаралар, викториналар мен қозғалмалы ойындар, интернатты-үйлердегі тәрбиеленушілер үшін тренингтер өтіп, емхана қабылдауларында түрлі тақырып бойынша дәрігерлермен кеңес жүргізу бұрышы ашылды.  

«Орталық» стадионда Қостанай облыстық салауатты өмір салтын қалыптастыру проблемаларының орталығының мұрындық болуымен жалпықалалық таңғы жаттығу өткізілді. Қостанай қаласы әкімінің орынбасары Бибігүл Аққожина барша қала тұрғындарын спортпен айналысуға шақырды. Сондай-ақ, қазіргі таңдағы бұқаралық спорттың дамуы жайында сөйледі. Сондай-ақ, тәжірибелі мамандар зиянды  әдеттерден арылу және дұрыс тамақтанудың  негіздері  бойынша  кеңес  берді.

Әуесқой спортшылар 400 метрге жүгіріп, содан соң мәреге «Денсаулық марафонына» қатысушылар шықты.