Темір тордың ар жағында да діни сауат қажет
Осындай мақсатпен «УК -161/3» түзету мекемесінде дөңгелек үстел болып өтті.
Теріс діни ағымдар тақырыбы аталған жиынға арқау болды. Көп жағдайда теріс ағымдағы ұйымдар аяғын шалыс басып, өмірден түңілгендерге қатты әсер етеді. Темір тордың ар жағында да теріс пиғылды секталарды уағыздайтындар болуы мүмкін дейді мамандар.
Жиында заңға қайшы әрекет ететін діни бірлестіктердің жұмысын насихаттағандарға қандай жаза қарастырылғанын, олардың тағдыры қандай болатыны да айтылды.
Басқосуға әділет органының өкілі Е.Исмағұлов, найб имам Ғ.Оразовтар және «УК -161/3» түзету мекемесінде жазасын өтеп жатқан сотталған, сонымен бірге тәрбие-ісі жөніндегі қызметкерлер мен психолог мамандар қатысты.
Шұға Қоңқабай
