Ел үмітін ер ақтар

Қостанай қаласында Отан қорғаушылар күні бар сән-салтанатымен аталып өтті.  Орталықты әскери киім киген жас жеткіншектер толтырды. Патриоттық әндер әуелеп, мерекелік көңіл-күй сыйлады.

 

«Океан», «Альбатрос», «Тайфун», «Қайсар», «Сармат» сынды  әскери-патриоттық үйірмелерінің жас сарбаздары қоян-қолтық ұрыстың әдіс-тәсілдерін көрсетті.

 

Мереке күнін пайдаланып, қала әкімі Базыл Жақыпов үйірме шәкірттерін және ата-аналары мен клуб жетекшілерін мақтау қағаздарымен марапаттап, құттықтау сөз сөйледі.

-Құрметті ардагерлер мен қала тұрғындары! Сіздерді Отан қорғаушылар күні мерекесімен құттықтаймын! Қазақ халқы ежелден өз отаның, туған жерін қорғап келеді. Тәуелсіз 25 жыл ішінде Елбасының арқасында ұлтымыз қауіпсіз, шағын және мобильді қарулы күштер құрылды. Біздің әскерлеріміз өскелең ұрпаққа үлгі.

Тағы да әскери азаматтарды айтулы мерекелерімен шын жүректен құттықтаймын!

Суреттерді түсірген: Айбек Жүзбай, Бағдат Ахметбеков