“Ұлттың ұлы тұмары – Бірлігім”
Арқалықтағы орталық "Наурыз" алаңында осындай атаумен 1 мамыр – Қазақстан халқының бірлігі күніне арналған мерекелік іс-шара ұйымдастырылды.
Бірлігі бекем халықты қала әкімі Ғазиз Бекмұхамедов пен қалалық ардагерлер кеңесінің төрағасы Жәнібек Ғапбасұлы құттықтады.
Мерекеге орай алаңда әр ұлттың салт-дәстүрін паш ететін қалашық құрылды. Ұлттық мәдени орталықтар ұлттар мен ұлыстардың татулығын насихаттап, дәм -тұзын ұсынды. Қала мектептері сан ұлттың ән-жырын асқақтатып, мерекелік ақ тілектерін жолдады. Қаладағы "Жас Ұлан" жасөспірімдер орталығы республикалық бірыңғай "Жасұлан" ұйымының қатарына қала мектептерінен төрт жүзге жақын мүшелерін қабылдады. Сондай-ақ, қаланың өнер ұжымдары да ән-күйін әуелетті. Қалалық көркемөнерпаздар байқауының үздік орындаушылары өнер көрсетіп, байқаудың белсенді қатысушы ұжымдарын қалалық мәдениет және тілдерді дамыту бөлімінің басшысы Сандуғаш Алматова марапаттады.
Осылайша, қала жұртшылығы еліміздегі ұлы достықтықтың жалауының биік екенін тағы бір мәрте дәлелдеп берді. Күні бойы бұқаралық сауық-салтанат құрып, мерекелік сауда-саттық жәрмеңкесі жүргізілді.
Мұрат Жүнісұлы,
Арқалық қаласы.
