Денсаулық саласына дендеп назар бөлді

Аудандық тұтынушылардың құқықтарын қорғау басқармасының мамандары «Нұр Отан» партиясының  филиалында денсаулық саласына арнап алқалы жиын өткізді.

Басқосу барысында қазіргі таңда денсаулық сақтау саласы қандай деңгейде, дәрі-дәрмектің бағасы неге қымбат, дәрігерлер науқастарға неліктен ең  қымбат дәрілерді жаздыртып береді, халықтың жаппай ауруханаға тіркелуі жөнінде әңгіме өрбіді.  Сонай-ақ, денсаулыққа дауа болатын дәрілер, оны  таңдаған кезде нақты неге назар бөлу керек, сапасыз өнімді сатып алған жағдайда қайда жүгіну керек деген өзекті мәселелер бойынша келушілер кеңес берді. Әр қатысушы өз мекемелерінде мейлінше атқарылып жатқан жұмыстар нәтижесіне тоқталды.   

Бұған ұйымдастырушылардан басқа «Нұр Отан»  партиясы аудандық филиалының төрағасының бірінші орынбасары,  ардагерлер кеңесінің төрағасы, аурухана, жұмыспен қамту және әлеуметтік бағдарламалар қызметкерлері, жеке кәсіпкерлер және дәріхана иелері қатысты.

Шараның басты мақсаты – ауданда заңбұзушылық пен ескертулерді болдырмау.

 

Руслан Әлкеев

Сарыкөл ауданы