Көпір асты – көл-дария (БЕЙНЕБАЯН)

Қазіргі уақытта қар суының басуына байланысты Қостанай қаласындағы Гагарин көшесінің «Қостанай-2» шағын ауданына көпір астымен өтетін тұста көлік қозғалысы шектелді. Бұл – Федоров, Қарабалық аудандарына ғана емес, Ресейдің Челябі облысына бастап баратын халықаралық маңызы бар жол. Осы жерлерге тәулік бойғы кезекшілік қойылған. Қазіргі уақытты қардың лай суын сору жұмыстары жүріп жатыр. 

 

Жабылған көпірде шектелген көлік қозғалысын тәртіп сақшылары реттеуде. Яғни темір тұлпар тізгіншілері бет алған бағыттарына Киевский поселкесі және әуежай ауданы арқылы өте алады.

Облыс бойынша күн сайын 500 полиция қызметкері жұмылдырылуда. Аймақта орын алып отырған жағдайға, елді мекендерді су басу қаупіне байланысты тәртіп сақшылары апаттың «аптығын» басуға ұдайы дайындықта, дейді облыстық ІІД баспасөз қызметі.

 

Суреттерді түсірген Бағдат Ахметбеков