Жарылыс жұмыстары      

         30 наурызда Алтынсарин ауданына қарасты   Докучаев селолық округінің Шоқай селосы аумағындағы Қарағайлы өзенінде сең жүру басталғанға дейін мұзды қопсыту мақсатында жалпы алаңы 2500 текше метр мұзда жарылыс жұмыстары жүргізілді. Мұзды қопсыту өзендегі судың апатсыз өтуін және Шоқай селосы аумағын көктемгі тасқын су басуы қаупінің алдын алу үшін қажет.

        

Жарылыс жұмыстарын «Қазтехнология» АҚ «Костанайвзрывпром» филиалының мамандары Қостанай облысының Төтенше жағдайлар департаменті, ҚР ІІМ ТЖК Солтүстік ӨАЖҚЖ, Алтынсарин ауданының ТЖ бөлімі, Алтынсарин ауданы әкімінің аппараты мемлекеттік органдары қызметкерлері қатарының комиссиясы қатысуымен жүргізді.

Жарылыс жұмыстарын жүргізу барысында 16 адам және 6 бірлік техника жұмылдырылды. Жарылыс жұмыстары жүргізілген ауданда мұздың қалыңдығы бір метрді құрайды.

                                                                 

Қостанай облыстық ТЖД

                                                                  ТЖ алдын алу бөлімі