Төтенше жағдайсыз той
Қостанай облысының Төтенше жағдайлар департаментінде көктемгі күн мен түннің теңесу мерекесін кең ауқымда тойланды. Іс-шараға Қостанай облысының ТЖД бөлімшелерінің қызметкерлері, құқық қорғау органдарының ардагерлері шақырылды.
Мәжіліс залында Департамент бастығы азаматтық қорғау полковнигі Т. Кәкімов жеке құрамды салтанатты түрде Наурыз мерекесімен құттықтады. Ол бұл мейрам өзімен көктемгі жаңаруды, жаңа жыл мен жаңа бастауларды ала келетінін атап кетті.
Үздік қызметкерлер Департамент бастығының Құрмет грамоталарымен марапатталды, 1 қызметкерге ортаңғы басшылық құрамының бірінші арнайы атағы берілді.
Салтанатты бөлімнің аяқталысымен, концертті бағдарлама жалғасын тапты. Көрермендердің назарына ән мен би нөмірлері ұсынылды. Сонымен бірге мерекеде ет, ұн, сүт өнімдерінен жасалған ұлттық тағамдар мен шығыс тәттілерінің көрмесі ұйымдастырылды. Департамент басқармалары мен бөлімдері Қазақстанда мекендейтін қазақ, орыс, армян, неміс және жапон халықтарының ұлттық тағамдарын көрсетті. 
Дастархан, әртүрлі ұлт өкілдерінің бұрыннан басын қосатыны бәрімізге де белгілі емес пе! Сол дәстүр бойынша мереке дастарханнан дәм татумен аяқталды.
Қостанай облысының ТЖД
Мемлекеттік тіл және ақпарат тобы
