Кітап оқу қиын ба?

Әдеттегідей сабақ үстінде Ботагөз апай өзінің оқыған кітаптарының ішінен мен біле бермейтін  Бибігүл Иманғазинаның "Тауқымет" кітабы туралы айтқан болатын.

Сабақтан келісімен осы кітапты оқығанша асықтым. Іздеген кітабымды бірнеше күннің ішінде оқып тауыстым. Романда Маржан есімді қайсар мінезді ауыл қызының тағдыры бейнеленген. Арман қуып қалаға оқуға келген Маржан тағдырдың жазуымен мүгедек  атанады. Қиындыққа тап болған өрімдей жас қанша жерге қаралып, жанына дауа іздесе де сағы сынып мүгедектігіне төзуіне тура келеді. Батылдықты, қайсарлықты, шыншылдықты бойына сіңіріп өскен бойжеткен бәріне қарсы тұра білуді үйренеді. Тағдырдың соққысына тап болса да ұл мен қызын қатарынан қалдырмай жақсы азамат ретінде тәрбиелей түседі. Жазушылыққа бет бұрған Маржанның қоғамдағы болып жатқан барлық мәселеге көз жұма қарамай,  жаны қиналғандарға қолынан келгенше көмек көрсетеді. Бұл да болса өр мінезді қыздың батылдығының көпке үлгі бола білуінен шығар.  Романда тек қана Маржанның өмірі емес,  қаншама қазақ қызының тағдыры айқын бейнеленеді.

Қазіргі таңда жастарымыз кітап оқып, өздерінің жан дүниесін байыта алса ғана болашағымыз жарқын болар еді. Ғаламтор пайда болғалы бері, кейінгі толқын кітап оқуды қойып ғаламтор желісінде отырады.  Бұрынғыдай емес жастарымыз кітап оқуды қойғаны ащы шындық екені рас.  Әрқашан ғаламтордың ғаламатын көруге құлықты. Оқушылардың көбі оқу залына тек қана тапсырылған тапсырманы орындау үшін келеді. Қазіргі таңда өзекті мәселе болып отырған тіл мәселесін, кітап оқымайтын жастарымызбен қалай дамыта аламыз? Адам баласының ойлау қабілеті артуы үшін де кітаптың алар орны ерекше. Сондықтан әдеби кітаптарды әрқашан оқып жүргеніміз абзал.

Жансая МҰХАНБЕТҚАЛИЕВА,

"Қостанай таңы" газетінің жас тілшісі.

Амангелді ауданы.