«ҚМУ CUP -10» халықаралық пікірсайысшылар турнирі басталды

Сайыстың ашылу салтанаты А. Байтұрсынов атындағы Қостанай мемлекеттік университетінің бас ғимаратында өтті. Университеттің проректоры Орынбай Тағаев қатысушыларға сәттілік тіледі. Концерттік кеште Нұрислам Жұмакенов, Нұрсұлтан Қасым, Гүлдана Әбдібаева, Эльмира Егізбай сынды жас өнерпаздар өнерлерін көрсетті. Жылдағы дәстүр бойынша өтетін халықаралық пікірсайысшылар турнирі 23-24 қаңтар күні жалғасады.

Дебатқа еліміздің барлық облыстарындағы жоғары оқу орындары мен Ресей елінің командалары қатысады. Жастар бастамалары орталығының жетекшісі Болат Қалиевтің 160 қатысушы және 80 команданың тіркелгенін айтты. 
Онынышы рет өткізілгелі отырған «ҚМУ CUP» «Қазақстан Республикасының Тәуелсіздігіне 25 жыл» тақырыбын арқау еткен. Сайыс барысында ел тәуелсіздігі жайлы сөз қозғалады. Сайыс қазақ және орыс тілінде өтеді. Сайыстың бас төрешісі – «Ахмет ұрпақтары» пікір сайыс клубының негізін қалаушы Жанболат Әбілов.