Бұғы бар бізде, көрдің ба?

Қостанайлық балалар үшін қолға үйретілген солтүстік бұғысы "Яшка" жаңа жылдық  сый болды. Бұғыны қызық көріп айналсоқтап жүрген балалардың қуаныштарында шек жоқ. Бұғыға  жегілген күйме тәріздес шанамен серуендеудің өзі бір қызық емес пе? Ал қыстың осынау қызығын ұйымдастырған жас кәсіпкер Рифкат Кудасов. 

Ханты-Мансиден әкелінген бұғы Қостанайда өзін жақсы сезінеді. Рифкат Еркеновичтің айтуынша ол  жем, шөп, сұлыны азық етеді. Сонымен қатар нанды, көкөніс пен  жемісті ұнатады. Бұдан бірнеше күн бұрын бұғы мүйізін тастапты. Мүйізсіз бұғы кәдімгі бұзауға ұқсайды екен. Балаларға Яшканың бұл кейпі ұнамаған секілді, дегенмен бұғының мүйізі көктемде қайта өсіп шығатынын біліп, көңілдері орнына түскендей…

 

Суретті түсірген  Б.Ахметбеков.