Әкім кубогын сарапқа салды

 "Жайдарман" КВН ойындарынан Арқалық қаласы әкімінің кубогы сарапқа түсті.  Қалалық ішкі саясат бөлімі және "Іскер жастар кеңесі" қоғамдық бірлестігінің ұйымдастыруымен облыстық деңгейде өткен жарысқа республика көлемінде өнер көрсетіп жүрген әзілкеш топтар қатысты.

 Думанды додаға көрермендер көптеп жиналып, сағаттар бойы тапжылмай тамашалады. Қорытындысында қатысқан он команданың ішінен бас жүлдені қостанайлық "Құрдастар" командасы жеңіп алды. І орынды да Қостанайдың "Сөзжетпес" еркін құрамасы қанжығасына байлады. Сондай – ақ, осы команданың капитаны Ж. Жалғасов "Ең үздік ойыншы" атанды. ІІ – ІІІ орындарды арқалықтық "Ару КZ" пен рудныйлық    "Бессаусақ" командалары бөлісті.

 Жүлдегерлер кубок, диплом және бағалы сыйлықтармен марапатталды.

 

Мұрат Жүнісұлы

                                                                          Арқалық қаласы.