Зияткер жастар ойыны
Қостанай қаласындағы Достық үйінде "Intellect Asu" зияткерлік ойыны өтті.
Шараны "Рухани жаңғыру" бағдарламасы аясында Қазақстан халқы Ассамблеясының облыстық филиалы ұйымдастырды. Білімділер сайысында Қостанай қаласындағы алты бірдей ЖОО студенттері қатысты.
Ойынды өткізудегі мақсат – жастардың қисындық, сыни және сараптамалы ойлау қабілеттерін дамыту, ой-өрістерін кеңейту.
Командалар әртүрлі кезеңдерде Қазақстанның және өлкенің тарихы, елдің өсімдіктер мен жан-жануарлар дүниесі туралы білімдерін ортаға салды. Сондай-ақ, үміткерлер "Рухани жаңғыру" бағдарламасын жүзеге асыруға қатысты өз пікір-пайымдарын білдіретін төл жобаларын назарға ұсынды.
Сайыс қорытындысында А.Байтұрсынов атындағы ҚМУ командасы жеңімпаз атанды. Екінші орынды М.Дулатов атындағы ҚИнЭУ намысын қорғаған жастар иеленсе, үздік үштікті ӨСұлтанғазин атындағы ҚМПУ студенттері түйіндеді.
