Туған жер туралы сыр
Торғай тарихы тым тереңде, атауы қалың Қазақ елінің тыныс -тіршілігімен біте қайнасқан көне өлке. Ел тарихына қатысты көптеген оқиғалар осы өңірде өткен, болмаса шарпуы тиген.
Кітапта Торғай бекінісінің іргетасының қалануынан бастап, Тәуелсіздік жылдарындағы оқиғалары кезең-кезеңімен жүйелі сөз болады. Сондай-ақ, халық батырлары Аманкелді мен Әлібидің ерлік істерін, ұлт зиялылары Ахмет Байтұрсынов пен Міржақып Дулатов өмірінің қызықты сәттерін автор қысқа да нұсқа әңгімелейді. Қасиетті Торғай топырағынан шыққан небір ақын-жазушылардың да өмір жолдарын сөз етеді. Әмірхан Абдуллиннің қаламынан "Сарбаздар", "Қызыл керуен", "Қос арыс", "Қанжар", соңғы жариялап отырған "Тарихи Тор-ғай" кітаптары жарық көрді. Бұл кітап Арқалық қаласындағы Ы.Алтынсарин атындағы Арқалық мемлекеттік педагогикалық институтының баспаханасынан 2014 жылы басылып шықты. Ә.Абдуллин Жанкелдин аудандық "Жаңа өмір" – "Новая жизнь" газеттерінде қызмет атқарды. Жиырма жыл бойы осы газеттің редакторы болды. Жанкелдин ауданының құр-метті азаматы, Қазақстан Республикасының құрметті журналисі.
Гүлім ЫСМАҒҰЛ.
Жанкелдин ауданы.
