Күн тәртібінде – тілсіз жаудың алдын алу шаралары

«Қостанай» халықаралық әуежайы» АҚ-ның кеңесу залында облыстық ТЖД қызметкерлері мен мекеме директоры орынбасары, әуежайдың мемлекеттік емес өрт сөндіру қызметі мамандары қатысуымен дөңгелек үстел өтті. Жиын барысында нысанның өртке қарсы ахуалы талқыланды. Өрт қауіпсіздігіне немқұрайды қарағандарға әкімшілік, қылмыстық жауапкершіліктің күшейетіні жайлы ақпарат берілді. Сондай-ақ дөңгелек үстел аясында әуежайдың мемлекеттік емес өрт сөндіру қызметінің қажетті құрал-сайман, құрылғылармен қамтылуы турасындағы мәселелер сөз етілді. Тілсіз жау шыға қалған жағдайда мұндағы қызметкерлердің әрекет ету алгоритмі, мемлекеттік өртке қарсы қызметке дер шағында хабардың берілуі керектігі тәптіштелді. Үлгі-үгіт ретінде 100 ескертпе плакаттар таратылды.