Дәрігерлер қайырымдылыққа шақырады

Қостанайлық дәрігерлер жастар бастамасын қолдап отыр. «Жақсылық жасауға асық» деп ұрандатқан ақ халаттылар облыс орталығындағы ауруханалардың біріне «Қайырымдылық жәшігін» орнатты. Айтулы қорапқа киім-кешек, кітап және ойыншықтарды да салуға болады. Жиналған бұйымдар аз қамтылған отбасыларға, көмекке зәру жандарға таратылады. Осыдан екі апта бұрын қостанайлық жастардың қолдауымен қолға алынған бұл акция алғашында Орталық әмбебап дүкенінде (ЦУМ) басталған. Кіреберісінде орнатылған жәшікке қызығушылар көп болды. Сол жобаны Қостанайдағы №4 аурухана қызметкерлері де құп көріпті.  

 

Кенже ҚОНЫСБАЙ