Оқушылармен интерактивті сабақ өткізді

         Қазақстан Республикасы азаматтық қорғау органы  құрылуының 20 жылдық мерекесіне орай Қостанай облысының ТЖД басқармасының ұйымдастыруымен «Құтқарушы – бұл өмір салты, оқушыларға – мамандық жөнінде» тақырыбында интерактивті сабақ өткізілді.

         Сабақтың мақсаты – төтенше жағдайлардың қаупі мен туындауы кезінде  оқушылардың қауіпсіз  болуларына тәрбиелеу, өз өміріне  жауапкершілікпен қарауды қалыптастыру. Сабаққа қатысушыларға  өрт сөндіруші мамандығының  абыройы, тұншықтырғыш газбен уланған кездегі алғашқы жәрдем көрсету, химиялық-қауіпті объектіде апат кезінде қолданылатын шаралар жөнінде  айтылды.

Сабаққа Қостанай қаласындағы № 1 мектеп-лицейінің  7-сынып оқушылары қатысты. Оларға берілген дәріс-сабақтар сұрақ-жауап  жүргізу арқылы бекітілді. Бұдан басқа  облыстың 72 мектебінің 2016 оқушысы интерактивті сабақты онлайн жүйесінде көрді. Оқыту жүрісін оңтайландыру үшін әр сөзге орай слайд материалдары ұсынылды. Сондай-ақ қазақстандық құтқарушылар жөнінде бейнефильм көрсетілді.

 

                                               Қостанай облысының ТЖД АҚ басқармасы