Әуежай директорының үйіне ұры түсті
Қостанайда әуежай директоры Юрий Кимнің үйінен 29 миллион теңгенің мүлкі ұрланды. Оқиға 2015 жылдың 6 қазанында болды. Ұрылар есікті бұзу арқылы үйге кірген. Ұрланған бұйымдардың ішінде неке жүзігі, ақ алтыннан жасалған сырға, лағыл тастан жасалған әшекей бұйымдар бар. Ал сейфтен 30 мың доллар, 5 мың евро және 5 миллион теңге ақша ұрланған.
