Имандылық ұясы
Қостанай қалалық мешіті бой көтергелі асыл дініміздің айнасы болып, талай шаруаларды тыңдырып үлгерді. Қайырлы істегі қарқындары басылмай, мұсылмандардың басын қосып, игі іс-шаралар легін үзбей келеді. Алла үйінің бас имамы Шоқан қажы әр буынның көңілін тауып, мешітке келушілердің қатарын арттыруға барынша күш салуда. «Мешіттегі жамағат санын көп болуы емес, жүректерге иман ұяласа екен» дейді Шоқан қажы.
Күндердің ұлысы болған жұма күнінің намазын оқып, ақсақалдың батасын алып, қостанайлық мұсылмандар мешіт әзірлеген астан ауыз тиді. Түскі ас уақытына орайластырылған дастарқан көпшілік көңілінен шықты. Дастарқан деуге келмейтін болар, бірақ таратылған тамақтың маңызы зор. Бір қазаннан ас ішкен әр ұлттың басын біріктіріп, ауызбіршілікке шақырады.
![IMG_4178](https://old.kostanaytany.kz/wp-content/uploads/2015/10/img_4178-682x1024.jpg)
![IMG_4182](https://old.kostanaytany.kz/wp-content/uploads/2015/10/img_4182.jpg)
![IMG_4201](https://old.kostanaytany.kz/wp-content/uploads/2015/10/img_4201.jpg)
Кенже ҚОНЫСБАЙ
Суреттерді түсірген Айбек ЖҮЗБАЙ