ТАЗАЛЫҚҚА ӘРКІМ ДЕ ЖАУАПТЫ
Бүгіндері облыста жаппай тазалық шаралары өтуде. Өңір басшысы Архимед Мұхамбетов барлық аудан-қала әкімдеріне 8-9 қазанда жаппай сенбілікке шығуды тапсырған еді. Облыс орталығында да бірлікті шараға білек сыбана кіріскендер қарасы қалың болды.
Барлық мекеме-ұйымдардың басшылары мен қызметкерлері, ЖОО, орта және жалпы білім беру ошақтарының жетекшілері мен оқушылары, сондай-ақ қала тұрғындары күзгі тазалық шарасына бір кісідей атсалысты.
Сенбілік барысында көшелер, көпқабатты ғимарат аулалары, бульварлар мен саябақтар іші тазаланды. Тазалық жұмыстары алдағы уақыттарда да жалғасын табатын болады. Тазалық – жиналған жерде емес, шашылмаған жерде екенін ескерсек, қаланың көрікті болуы өзімізден басталуы керек.
Жандос ЖҮСІПБЕК
Суреттерді түсірген Айбек ЖҮЗБАЙ
