«Жазира» насихат бригадасы еңбекшілер арасында
Күзгі егін басталғалы шаруаларда тыным жоқ. Олар күндіз-түні еңбек етуде. Уақытында жұмысты атқарып алуға бар күштерін салуда.Осындай қауырт науқан кезінде еңбекші жұмыскерлер де шаршап-шалдығатыны белгілі. Осындайда олардың көңіл-күйлерін көтеру мақсатында Науырзым аудандық Мәдениет үйінде «Жазира» насихат бригадасы құрылған болатын. Олар да диқаншылар сияқты өз жұмыстарына кірісіп кетті.
Алғашқы сапар Шолақсай ауылынан басталды. Бригаданың мақсаты – ауылдың егіншілері мен
еңбеккерлеріне концерттік бағдарламалар ұсынып, еңбекшілердің көңілдерін көтеріп, рухани күш беру.
Бриагада құрамындағы жандар тек өнермен сусындатып қана қоймай, жұрт назарына
дүние жүзінде, республикамызда, облысымызда, ауданымызда болып жатқан түрлі жаңалықтарды жеткізіп, ақпараттандырып та тұрады. Бұл бастаманы құптағандар еңбектен
қолдары босағанда шаршағандары әп-сәтте басылып қалатындарын айтуда.
Айтолқын АЙҚАДАМОВА
Науырзым ауданы.
