“Тобыл” жолдастық кездесу өткізеді

Қостанайлық «Тобыл» футбол клубы екінші лиганың «Форум» командасымен қорытынды ойын өткізеді. 
5 қыркүйек күні Орталық стадионда «Тобыл» жанкүйерлерден құралған командамен кездеседі. Матч 18:00-де басталады. Көрермендерге кіру тегін. 

– «Форум» командасы жайлы ақпарат аз. Себебі, жанкүйерлердің белсенділігімен құрылған. Тек ғаламторда ғана емес, осылай жиі бас қосып тұруды да жөн көреді көрермен командасы. Алғашында команда сапына қостанайлық футбол мектебінің түлектері де қосылған. Артынша біздің шәкірттер көбейді. Ішкі біріншіліктегі үзілісті пайдаланып, сынақ ретінде ұйымдастырылып отыр. Бұл кездесу екі командаға да жақсы тәжірибе болмақ,- дейді "Тобыл" клубтың спорттық директоры Константин Гальченко.