Тартысты ойындар қорытындысы
Қостанайда ІІІ республикалық ауыл жасөспірімдерінің қысқы ойындары аяқталды. Шайбалы хоккей, қысқы президенттік көпсайыс, қысқы спорттық бағдарлау, конькимен жүгіру спорттық сайыстары 7 желтоқсанда басталған болатын. Оған еліміздің Ақмола, Алматы, Ақтөбе, Шығыс Қазақстан, Павлодар, Солтүстік Қазақстан, Батыс Қазақстан, Жамбыл және Қостанай облыстарының ойыншылары қатысты.
Жалпыкомандалық есеп бойынша Солтүстік Қазақстан облысы І орынға ие болды. Қостанай өңірінің спортшылары ІІ орынға тұрақтаса, үздік үштікті Алматы облысы түйіндеді.
