Доллар құны шарықтап барады
KASE-нің таңертеңгі сауда-саттығы нәтижесінде 1 доллар 255,26 теңгені құрады. Бұл туралы ҚР Президенті жанындағы Орталық коммуникациялар қызметіндегі брифингте ҚР Ұлттық банкі төрағасы Қайрат Келімбетов мәлім етті.
Таңертеңгі сауда-саттық аяқталды. Бүгінгі орташа баға таңертеңгі сессия қорытындысы бойынша, 255,26 теңгені құрады. Сауда-саттық көлемі 115 млн. долларға тең. Бұл теңге бағамы еркіндікке жіберілгеннен кейінгі ең бірінші таңертеңгі сауда-саттықтың алғашқы нәтижесі», – деді Қ.Келімбетов.
