Жүргізуші көлігімен суға кетті
Меңдіқара ауданы Лоба ауылында оқыс оқиға орын алды. Атап айтатын болсақ, кеше, 3 маусым күні түскі сағат 13.15 шамасында жүргізушінің басқара алмауы себебінен «Ауди» автокөлігі Обаған өзеніне батып кетті. Бұл туралы ҚР ТЖМ баспасөз қызметі хабарлады.
Қазіргі таңда, суға кетіп бақилық болған көлік жүргізушісі 1983 жылы туған Р.Исмағұлов екені белгілі болып отыр. Оның денесін Қостанай облыстық ТЖД судан құтқару қызметінің қызметкерлері сол күні сағат кешкі сегіздер шамасында судан шығарып алыпты.
