Өрт сөндірушілерге пәтер кілті табысталды
Жаңа «Аэропорт» ықшам ауданынан Қостанай қ. өртке қарсы қызметінің 5 қызметкеріне пәтер кілттері табысталды. Мұндай ғанибетке олар «Қолжетімді баспана-2020» бағдарламасының «Жас отбасы» санаты бойынша қол жеткізіп отыр.
Қостанай облысы ТЖД Өрт сөндіру және авариялық құтқару жұмыстары қызметі» ММ қызметкерлері – Дәурен Саринов, Михаил Раба, Асхат Кущегулов, Бақытбек Шахшин, Дастан Жакешов қоныс тойын тойлады. 
Жаңа үйде пәтер иелерінің барлығына газ бен жарық бірден қосылуда. Жылудың температуралық режимін әркім өзіне қолайлы қылып қоса алады. Есептегіш пәтер ішінде орнатылған.
«Аэропорт» ықшам ауданының болашағы зор, көпқабатты үйлер мен мектептер әлеуметтік объектілер тұрғызылмақ.
Жандос Жүсіпбек
