Ыстық су тоқтатылады
ҚЖЭК» ыстық суды тоқтата тұруға мәжбүр. Қазір ЖМ15 жылу магистралінің желілерінде жөндеу жұмыстары жүруде. Атап айтқанда, Абай даңғылы арқылы өтетін жүйе мен 5-ықшам аудандағы желілердің олқы тұстары қалыпқа келтірілуде. Жұмыстар ағымдағы айдың 9-нда басталған еді. 22-маусымда аяқталмақ. Дегенмен, ыстық су бұл шағын ауданда түгелдей ағытылмайды. Жөнделетін желіге бағынышты үйлер ғана қолдарын салқын суға мала тұрмақ.
Жандос Жүсіпбек
